Son xəbərlər
20 SENTYABR
19 SENTYABR
MƏDƏNİYYƏT

Parisdə möhtəşəm “Muğam-Soul” konserti

<font color=red><b>Parisdə möhtəşəm “Muğam-Soul” konserti</b></font>

Konsert “Mugham Souls - Gochag Askarov & Pierre de Trégomain” adlı albomunun Fransada işıq üzü görməsi münasibəti ilə təşkil olunub



Noyabrın 26-da Azərbaycannın Dostları Assosiasiyasının dəstəyi ilə Parisdə milli muğam ifaçılığımızda özünəməxsus üsluba sahib olan Qoçaq Əsgərov və məhşur fransız caz ifaçısı Pyer de Traqomenin rəhbərliyi ilə Muğam-Soul konserti keçirilib. Mügənniləri səhnədə istedadlı musiqiçilərimiz Elnur Mikayilov (kamança), Kamran Karimov (nağara) və Vasif Huseynzadə (piano) müsaiyət ediblər.
Azərbaycanın Dostları Assosiasiyasının katibliyindən BayMedia-ya verilən məlumata görə, konsert gecəsini Azərbaycanın Dostları Asosiasiyasının baş katibi Mirvari Fətəliyeva açaraq Azərbaycanın mənəvi sərvəti sayılan və UNESCO-nun Qeyri-maddi mədəni irsin Reprezentativ Siyahısına daxil edilən Muğam haqqında söhbət açıb. O çıxışında deyib ki, Muğam Azərbaycan xalqının dünyadakı səsi kimi milyonlara yalnız zövq verici musiqi bəxş etmir, həm də milli kimliyimizi və ölkəmizin gerçəklərini olduğu kimi bütün dinləyicilərə çatdırmağa kömək edir.
Daha sonra Sənubər Bağırova, Azərbaycanın tanımmış musiqişünası muğam haqqında geniş məlumat verərək fransız caz ustasının muğam sənətinə olan marağından, layihənin yaranma tarixindən söz açdı. O qeyd etdi kı milli sərvətimiz olan muğam füsünkar xususiyyəti ilə həmişə şərq musiqisinin mistikasına vurğun musiqisevərləri özünə cəlb edir. Dünyanın hər bir yerində musiqi həvəskarları bu əsrarəngiz və fəlsəfi musiqini sevir və araşdırırlar.

Konsert qrupun 17 noyabr tarixində Felmay italyan disk evinin imzası ilə “Mugham Souls - Gochag Askarov & Pierre de Trégomain” adlı albomunun Fransada işıq üzü görməsi münasibəti ilə təşkil olunub. Caz aləmi və dünya musiqisinə yeniliklər bəxş edən bu albom dərin mənəvi hisslərlə zəngin olan yaradıcı əməyin bəhrəsidir.
Muğam-Soul müxtəlif mədəniyyətə məxsus olan iki ecazkar səs ustasinın bərabər çalişmasının nətcəsidir. Ilk dəfə muğamı Parisdə Qoçaq Əsgərovun albomlarını dinləyərək kəşf edən Pyer de Treqomen mugamın mistik aləminə heyran olur. O 2016-cı il fevralında mugam sənətini ustanın ozündən öyrənmək üçün Bakıya gedir. Onların görüşü və bərabər çalışmaları o qədər uğurlu olur ki, ətraflarına istedadlı musiqiçiləri toplayaraq milli muğamlarmızdan, şəxsi bəstələrindən və improvizasiyalardan ibarət repertuarla əməkdaşlığa başlayırlar. Caz aləmindən gələn Pier de Treqomen və muğamın sirrlərindən bəhs edən Qoçaq Əsgərovun bərabər ifası ilə, milli musiqimiz yeni bir həyat yaşayır.
Fevral ayında Fransa Institutunun dəstəyi ilə qrupun Bakıda, Yarat müasir Incəsənət mərkəzində ilk konserti və Iyul ayında Parisdə Azərbaycanın Dostları Assosiasiyasının dəvəti ilə daha iki konserti təşkil olunub.
Bir daha musiqiçilərin əsrarəngiz ifaları tamaşıçılar tərəfindən böyük rəğbətlə qarşılanıb.


photoslide_title photoslide_title photoslide_title photoslide_title photoslide_title photoslide_title







FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv