Son xəbərlər
17 OKTYABR
16 OKTYABR
15 OKTYABR
12 OKTYABR
SİYASƏT

Bakının həmləsi: İrəvan de-fakto yox olur - Manukyan

<b>Bakının həmləsi: İrəvan de-fakto yox olur - Manukyan</b>

Ermənistan dalana dirənmiş vəziyyətdədir

Axar.az xəbər verir ki, bunu “Vestnik Kavkaz” saytına müsahibəsində Erməni Milli Konqresi Partiyasının sədr müavini Aram Manukyan söyləyib.
“Ermənistan hazırda regional dövlətlərarası iqtisadi əlaqələrdə heç bir yeri tutmur. Bütün regional və beynəlxalq xəttlər bizim yaxınlığımızdan keçir. Ermənistan təkcə siyasi blokadada yox, həm də iqtisadi mühasirədədir. O, hər tərəfdən qapalı vəziyyətdədir və heç bir regional layihədə iştirak etmir. Hətta bizim hökumət də regional proqramlarda iştirak etmək istəmir. Yəni biz Qafqazda sadəcə mövcud deyilik və bu situasiya artıq 20 ildən çoxdur davam edir. Bu illər ərzində bizim yaxınlığımızdan çoxlu layihələr – Bakı-Tiflis-Ceyhan kəməri, Bakı-Tiflis-Qars dəmiryolu, “İpək yolu”, “Şimal-Cənub” beynəlxalq nəqliyyat dəhlizi keçdi.
Biz elə bil ki, regionda mövcud deyilik. Ermənistan de-yure Qafqazda var, amma Qafqaz layihələrinin heç birində iştirak etmir. Biz iqtisadi baxımdan dalandayıq, ona görə də Ermənistana heç kim pul yatırmır. Əgər əvvəllər biz ildə heç olmasa 3-4 milyard dollar investisiya alırdıqsa, keçən il cəmi 120 milyon dollar ala bildik. Situasiyanı korrupsiya çətinləşdirir və buna görə də heç bir normal adam Ermənistana öz pullarını qoymağa risk etmir”, - deyə o bildirib.
Onun sözlərinə görə, Qarabağ konfliktinin həll edilməməsi Ermənistanın inkişafına maneə yaradır:
“Müharibə heç bir halda dövlətin inkişafına yardım edə bilməz. İnkişaf və artım üçün sakit, stabil daxili və xarici siyasi vəziyyət tələb edilir. Bizdə isə konflikt ucbatından beləsi yoxdur. Ermənistan üçün ən böyük problem Qarabağın həll edilməməsidir. Bu problemi həll etmək lazımdır və bizim partiya artıq bunu özünün siyasi proqramına daxil edib. Yalnız bizim partiya konfliktin həlli ilə bağlı proqramla çıxış edir”.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv