Son xəbərlər
21 SENTYABR
20 SENTYABR
19 SENTYABR
TÜRK DÜNYASI

Türk ordusu tarixində ilk belə hücuma başlayır

<b>Türk ordusu tarixində ilk belə hücuma başlayır</b>

Afrində keçirilən “Zeytun budağı” əməliyyatı çərçivəsində Raco və Cinderes bölgəsini azad etmək üçün bütün hazırlıqlar tamamlanıb

Axar.az xəbər verir ki, türk ordusu məskunlaşma ərazilərində keçiriləcək ilk döyüşlər üçün 4 strateji nöqtədə baza yaradıb.
Yaradılan bazalarda həmçinin jandarma və polis xüsusi təyinatlı dəstələri yerləşdirilib. Afrinin düzənlik hissəsində terror qruplaşmasının hərəkətliliyini minimuma endirən türk ordusu həftə sonu 2 istiqamətdə eyni vaxtda hücuma keçəcək.
Bu döyüşlərin başlanması həm də türk ordusu tarixində bir ilk olacaq. Belə ki, Afrində Raco və Cinderes döyüşlərində ilk dəfə olaraq jandarma, polis, Xüsusi Qüvvələr Komandanlığı və komandoslar birlikdə əməliyyat keçirəcəklər.
Türk ordusunun hücumla bağlı taktiki-texniki hazırlıqları da tamamlanıb. Raco bölgəsi 2, Cinderes isə 4 kiçik sektora ayrılıb. Ərazidə türk ordusunu ləngitməyə çalışacağı ehtimal olunan terror qruqlaşmasının fəaliyyətlərinə baxmayaraq, hər iki bölgədə sürətli irəliləyiş nəzərdə tutulub. Türk kəşfiyyatçılarının ordu komandanlığına verdiyi məlumatlara əsasən, Raco və Cinderes əhalisinin təxminən 80 faizi evlərini tərk edib. Bu isə türk ordusunun Afrin mərkəzinə doğru sürətlə irəliləməsinə zəmin yaradacaq.
Türkiyə Silahlı Qüvvələri və ASO-nun Raco və Cinderes əməliyyatlarını təxminən 1 həftə ərzində tamamlaması ehtimal olunur.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv