Son xəbərlər
19 AVQUST
18 AVQUST
17 AVQUST
16 AVQUST
15 AVQUST
14 AVQUST
13 AVQUST
12 AVQUST
10 AVQUST
08 AVQUST
SİYASƏT

Vüsalə Mahirqızı: “Rüstəm İbrahimbəyovu heç vaxt milli adam hesab eləməmişəm”

<b>Vüsalə Mahirqızı: “Rüstəm İbrahimbəyovu heç vaxt milli adam hesab eləməmişəm”</b>

“Rüstəm İbrahimbəyov deyib ki, çoxu filmə baxmadan danışır. Allahına şükür eləsin ki, baxmayıb danışırlar, baxsalar, gərək onu daha sərt tənqid edələr”

APA-nın məlumatına görə, bu sözləri APA Holdinqin prezidenti Vüsalə Mahirqızı özünün facebook hesabında yazıb.
V. Mahirqızı kinodramaturq Rüstəm İbrahimbəyovun son günlər müzakirə olunan bədnam filmi ilə bağlı yazdığı statusda bildirib: “Şəxsən mənim üçün məsələ o deyil ki, İbrahimbəyov belə film çəkib. Əkrəm Əylisli kimi milli kolorotli hesab olunan yazıçının elə əsər yazmasından sonra İbrahimbəyov kimi "beynəlmiləlçinin" belə ssenari yazmasına təəccüblənmədim; necə olsa, bunu "fərqlənmə üsuluna" çeviriblər, deyəsən.
Acı gülüş doğuran məhz o "beynəlmiləlçilik" məsələsidi. Özünə "bəşəri" deyən, milli hissi "dar çərçivə" hesab edən adam bu cür məhəlli düşünməməlidi. Azərbaycanlının ermənini, erməninin azərbaycanlını döyməsi səhnəsinin üstündə film çəkib, rasizmi təbliğ eləyib, bununla "qəhrəman" olmaq istəyi çox ibtidaidi”.
APA Holdinq prezidenti daha yazır: “Azərbaycanlı olmaq, milli davamız, haqlı olduğumuz bir davada bu millətə məxsus soyadı daşıyıb bu davaya qarşı çıxmaq və s... bunların hamısını bir kənara qoyuram. Filmdəki qərəz, yalan epizodları da müzakirə etmirəm. Bədiyyat gücünə verək bunu da, halbuki, elə olmadığını hamımız bilirik. Amma adamdan soruşarlar ki, ilin-günün bu vaxtı, qloballaşmadan, bəşərilikdən danışıb, pafos saçıb, adamları (obrazları) mənsub olduqları xalqlara görə bir-birinə döydürmək nəydi, ay ağsaqqal? Bu qədər rasist yanaşmayla Nobel iddiası-filan ayıbdı axı. Məni bu filmdə iyrəndirən əsas məqam budu.
Milli məsələlər, xalqın aşağılanması məsələsini ona görə yazmıram ki, mən İbrahimbəyovu heç vaxt milli adam hesab eləməmişəm. Açığı, mədəniyyət adamı və fərd kimi milli olub-olmamağı da mənim üçün əhəmiyyət daşımır heç. Mədəniyyət adamı kimi normal beynəlmiləlçi olsaydı, bu cəmiyyətin xeyrinə olardı hətta. "Qafqaz üçlüyü" İbrahimbəyovun içindəki "balaca adamı" ortaya çıxarıb. O filmdə üstünlük verilənin azərbaycanlı, gürcü və ya erməni olması milli maraq baxımından, bir xalq kimi bizi maraqlandıra bilər. Amma özünü "beynəlmiləlçi", "xalqlar dostluğuna töhfə verən" kimi təqdim eləmək istəyən biri üçün xalqları bu cür üz-üzə qoymaq, bir xalqı aşağılamaq, tamamilə mənfi, qeyri-tolerant obrazda təqdim eləmək ideyasıyla film çəkmək iflasdı, fiaskodu. Necə ki, antimilli düşüncə ilə siyasətə qarışması həm İbrahimbəyovun, həm də onu dəstəkləyənlərin fiaskosu oldu. Eynilə də obrazlarını milli mənsubiyyətinə görə "döydürməsi" və "döyməsi" "beynəlmiləl düşüncədə olduğunu", kosmopolitliyini sırımaq istəyən ssenarist İbrahimbəyovun fiaskosu oldu”.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv