Son xəbərlər
21 SENTYABR
20 SENTYABR
19 SENTYABR
MƏDƏNİYYƏT

Dünyanın sevdiyi Ramini biz tanımırıq...

<b>Dünyanın sevdiyi Ramini biz tanımırıq... </b>

“Prison Break” (Həbsdən qaçış), “Game of Thrones” (Taxt oyunları), “Westworld” (Qərb dünyası) seriallarının musiqilərini bəstələyən Ramin Cavadi (Djawadi) əslən azərbaycanlıdır

Xüsusilə, o, “Game of Thrones” (Taxt oyunları) serialına bəstədiyi musiqi və melodiyalarla dünya miqyasında məhşurlaşıb. Cavadi həm film, həm də TV üçün 100-dən çox film musiqisi və film qeydi ərsəyə gətirib. Bu işlərinə görə hazırda Cavadi Hollivudun ən məşhur musiqiçilərindən sayılır.
Kult.az xatırladır ki, Ramin Cavadi 19 iyun 1974-cü ildə Almaniyanın Duysburq şəhərində dünyaya gəlib. Raminin anası almandır, atası isə əslən Cənubi Azərbaycandandır.
Orta məktəbi Almaniyada bitirən Cavadi bundan sonra təhsilini davam etdirmək üçün ABŞ-a gedib. Bostonda Breekle Musiqi Kollecində təhsil alıb.
Təhsilini bitirdikdən sonra musiqi qrupu ilə çalışmağa başlayıb. Həmin qrupda işləyən zaman Hans Zimmerlə tanış olub və bundan sonra fəaliyyətini onunla davam etdirib.
Cavadi “Dəmir adam” filminə bəstələdiyi musiqidən sonra məşhurlaşıb. Bundan sonra bir sıra televiziya seriallarına və başqa filmlərə musiqi yazıb. 2003-cü ildə “Cesika Linçin qurtuluşu” filminə bəstələdiyi musiqi ona müraciət edənlərin sayını artırıb. Onun ən önəmli işlərindən biri də Sakit okeanın qırağında “Həbsdən qaçış” filminə bəstələdiyi musiqidir.
“Taxt oyunları” filminə yazdığı musiqi onun məşhurluğunu bir az da artırıb. Bundan başqa, Cavadi “Qəraib dənizinin quldurları” filminin də musiqisini yazıb.
Cavadi bəstələdiyi musiqilərinə görə bir çox mükafatlara layiq görülüb. 2007-ci ildə onun bəstələdiyi musiqilərindən ibarət albomu çıxıb.
Müsahibələrinin birində Cavadi bu sənətə marağın onda necə yarandığını izah edib:
“4 yaşımdan musiqi ilə maraqlanmağa başlamışdım. Burada ən çox anamın rolu olub. 4 yaşımda pianoda çaldığım bir melodiya ilə atamı və anamı təəccübləndirmişdim. Sonra onlar mənim musiqi təhsili almağımı istədilər. 11 yaşıma qədər orq çaldım. 11-13 yaşlarımda ümumiyyətlə musiqidən uzaqlaşdım. 13 yaşımda isə yenidən gitara öyrənmək qərarına gəldim. İl yarım ərzində gitaranı mükəmməl səviyyədə ifa etməyi öyrəndim. Daha sonra rok qrupunda ifa etdim. Elə bu illər ərzində başa düşdüm ki, özüm musiqi yaza bilirəm. Xüsusilə ”Ulduzların müharibəsi” filminin musiqisi məni başqa bir aləmə aparmağı bacarırdı”.
Onun sözlərinə görə, musiqi dramatik səhnələrin həyəcanlı olmasında çox önəmlidir.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv