Son xəbərlər
18 NOYABR
16 NOYABR
15 NOYABR
14 NOYABR
SİYASƏT

Hadisələrin arxasında bu ölkə durur – Sensasiyalı şərh

<b>Hadisələrin arxasında bu ölkə durur – Sensasiyalı şərh</b>

Mitinqin kor-təbii olması, onun təşkilində hər hansı bir siyasi qüvvənin və yaxud təşəbbüs qrupunun olmaması xarici ölkələr tərəfindən yönləndirilməsi haqqında ehtimalları gücləndirir

Bu sözləri Axar.az-a açıqlamasında politoloq Qabil Hüseynli deyib. O bildirib ki, istintaqın nəticələri məlum deyil:
“Amma ilkin müşahidələri dilə gətirmək mümkündür. Şəhid olan polislərdən birinin Qafqaz Müsəlmanları İdarəsinin Qərb bölgəsi üzrə səlahiyyətli nümayəndəsi Tahir Abbasovun qardaşı olması dini radikal qruplaşmalar tərəfindən bu hadisələrin törədilməsi ehtimallarını artırır. Hər iki öldürülən şəxs yüksək çinli polis məmurudur. Onların hər ikisinin də peşəkarcasına, xüsusi hazırlanmış bıçaqla öldürülməsi onu göstərir ki, bu, naşı adamların işi deyil, bilavasitə peşəkar adamlar tərəfindən əvvəlcədən hazırlanan və icra olununan terrordur. Artıq cinayət əməlini törədənlərin şəxsiyyəti də müəyyənləşdirilib. Hər iki caninin keçmişi kifayət qədər qaranlıqdır”.
Politoloq vurğulayıb ki, bütün bunları nəzərə alaraq, demək olar ki, dünən Gəncədə baş verənlər sıradan hadisə deyil:
“Bu hadisənin arxasında dövlətçiliyimizə, Azərbaycanın sürətli inkişafına, ölkəmizin müvəffəqiyyətli ordu quruculuğuna xor baxan, qənim kəsilən qüvvələr, dövlətlər durur. Onlar müstəqil Azərbaycanın mövcudluğunu sanki həzm etmək istəmirlər. Bu nöqteyi-nəzərdən şübhələr müxtəlif yerlərə aparır. Dini radikal qruplaşmalar deyəndə isə bölgədə İranın adı hər zaman öndə gəlir. İstintaqın hadisələrdə İran izinin olması ilə bağlı nəticəyə gəlməsi təəccüblü olmamalıdır. Çünki bölgədə islam ekstremistlərinin fəaliyyətinin hazırda İran tərəfindən istiqamətləndirildiyi hamıya bəllidir. Hər zaman belə işlərin arxasından İran tərəfindən yönəldilən müəyyən qüvvələrin çıxması məlum olur”.
Politoloq qeyd edib ki, İran saytlarında bunu qorxuducu, çəkindirici amil kimi təqdim etməyə çalışdılar:
“İran başa düşməlidir ki, onsuz da onlara qarşı beynəlxalq qısqac daralmaqdadır. Azərbaycan cəmiyyəti onların düşündüyündən daha ayıq, yaxın tarixində çoxsaylı proseslərin içindən keçib gələn cəmiyyətdir və dövlətimiz bu qaranlıq işlərin kökünü ən qısa müddətdə qazıyır və qazıyacaq. Ancaq İranın bu şəkildə özünü “reklam etməsi” heç də xeyrinə olmayacaq”.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv