Son xəbərlər
18 AVQUST
17 AVQUST
16 AVQUST
15 AVQUST
14 AVQUST
13 AVQUST
12 AVQUST
10 AVQUST
08 AVQUST
MEDİA

Yakışıklı: Əli Həsənovla görüşdə dedi ki...

<b>Yakışıklı: Əli Həsənovla görüşdə dedi ki...</b>

Türkiyədə yayımlanan regional və beynəlxalq media orqanlarında çalışan 40 jurnalist Anadolu Yayımçılar Dərnəyinin təşkil etdiyi layihə çərçivəsində Bakıda 15 iyul çevriliş cəhdi barədə bir sıra konfrans və tədbirlər keçiriblər

Tədbir çərçivəsində Bakıda qonaq olan jurnalistlərdən “Yeni Akit” nəşrinin məşhur yazarı Hacı Yakışıklı da səfər təəssüratlarını oxucularla bölüşüb.
Türkiyəli həmkarlarımız əvvəlcə Bakıda Türkiyə səfirliyinin binasında təşkil olunan naharda səfir Ərkan Özoralla görüşüblər. Səfir Özoral Türkiyə ilə Azərbaycan arasındakı münasibətlərin hər sahədə inkişaf etdiyini xatırladaraq, qarşılıqlı turizm potensialının da artırılmasının vacibliyini qeyd edib.
Daha sonra media qurultayı çərçivəsində jurnalistlər, Şəhidlər Xiyabanını da ziyarət edərək şəhidlərimizin məzarı üstünə gül qoyublar. Türk jurnalist Hacı Yakışıklı həmkarları ilə birlikdə Azərbaycan mətbuatının yaranmasının 143-cü ili qeyd olunan gündə bizi yalnız buraxmadıqlarını bildirib.
Azərbaycanda Milli Mətbuat günü münasibətilə təşkil olunan bayram tədbirlərində iştirak etdiyini burğulayan Yakışıqlı Anadolu Yayımçılar Dərnəyinin sədri Sinan Burhana ölkələrimiz arasındakı media münasibətlərinə verdiyi tövhələrə görə mükafat təqdim olunduğunu da qeyd edib.
“Siyasətdə münasibətlərimiz çox yaxşı gedirsə, mətbuatımızın da münasibətləri çox yaxşı olacaq. Prezidentimiz Rəcəb Tayyib Ərdoğan ilk ziyarətini Azərbaycana etdi. Dolayısı ilə bizlər də mətbuat camiəsi olaraq münasibətlərimizi daha da inkişaf etdirməli olduğumuzun fərqindəyik”, - o deyib.
“Yeni Akit” yazarı Bakı səfərinə həsr olunmuş yazısında Azərbaycan Prezidentinin ictimai-siyasi məsələlər üzrə köməkçisi Əli Həsənovun jurnalistlərlə görüşünə də xüsusi yer ayırıb. Əli Həsənov Türkiyə mətbuatını yaxından izlədiyini qeyd edib:
“Dövlətlərimiz həmişə eyni tərəfdə dayanırlarsa, səfirlik və diaspor təşkilatlarımız birlikdə hərəkət edirlərsə, Azərbaycan və Türkiyə prezidentləri İlham Əliyev və Rəcəb Tayyib Ərdoğan bütün mövzularda ölkələrimizin mənfəətlərinə uyğun şəkildə addımlar atırlarsa, media qurumları da ortaq çalışmalıdır. Jurnalistlər də hər iki ölkənin strateji proqramı, dövlət başçılarının müəyyən etdiyi yola uyğun şəkildə davranmalı, prinsipləri istiqamətində hərəkət etməlidirlər. Bunu unutmamalıdırlar ki, hansı şərtlərdə olursa olsun, hər iki dövlətin, xalqın mənfəəti diqqətə alınmalı və münasibətlərin güclənməsinə tövhə verməlidirlər”.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv