Son xəbərlər
22 OKTYABR
20 OKTYABR
19 OKTYABR
18 OKTYABR
HADİSƏ

“AZƏRİŞIQ” ASC ARAN REGİONUNDA YENİ YARIMSTANSİYALAR TİKİR

<b>“AZƏRİŞIQ” ASC ARAN REGİONUNDA YENİ YARIMSTANSİYALAR TİKİR</b>

CƏBHƏ YANI RAYONLARIN ELEKTRİK ŞƏBƏKƏSİ YENİLƏNİR

“Azərişıq” ASC-nin 6 rayonu əhatə edən Aran regional elektrik təchizatı və satış idarəsi tərəfindən hazırda bölgədə genişmiqyaslı tikinti və yenidənqurma işləri aparılmaqdadır. Belə ki, Aran regionunun cəbhə bölgəsində yerləşən Ağdam rayonunun Sarıçoban, Ayaq Qərvənd, Təzəkənd və Çəmənli kəndlərində 0,4 kV-luq şəbəkələrin yenidənqurma işləri yekunlaşıb və hazırda sayğacların quraşdırılması işləri aparılır. Həmçinin rayonun Sarıcalı, Əhmədağalı və Çıraqlı kəndində yenidənqurma işlərinə başlanılıb. Əkin sahələri demək olar ki, mexaniki suvrama ilə suvarılan Ağdam rayonu Ergi ərazisində subartezian quyularının, nasosların dayanıqlı elektrik təchizatının təmin edilməsi məqsədi ilə hazırda 110/35/10 kV-luq yarımstansiya tikilir. İşlər yekunlaşdıqdan sonra Ağdam rayonu ərazisində əhalinin və perspektivdə nəzərdə tutulan əkin sahələrinin keyfiyyətli elektrik təchizatı təmin ediləcək.
ARAN regionunun cəbhə bölgəsində yerləşən digər rayonu Fizulinin isə Zobucuq-1. Zobucuq-2, Zobucuq-3 qəsəbələrində magistral kabel çəkilişi işləri başa çatdırılıb, hazırda həmin qəsəbələrdə SMART-kart tipli sayğacların quraşdırılması istiqamətində işləri aparılır.
Ağcabədi Elektrik Şəbəkəsinin 35/10 kV-luq “Ağcabədi-2” yarımstansiyasının gərginlik sinifi dəyişdirilərək 110 kV-luq gərginlik sinifinə keçirilib. Perspektiv nəzərə alınmaqla yarımstansiyanın gücü artırılıb və yaxın günlərdə yarımstansiyada son tamamlanma işləri başa çatacaq. Rayonun Rəncbərlər kəndində istismar müddətini başa çatmış 0,4 kV-luq hava xətləri ÖİN (özünüdaşıyan izolyasiyalı naqillər) kabellərlə əvəz edilməsi işləri yekunlaşmışdır. Yenidənqurma işləri Ağcabədi rayon mərkəzində, o cümlədən Boyat kəndində başa çatmış, hazırda köhnə sayğaclar yenilər ilə əvəz olunur.

İmişli Elektrik Şəbəkəsinin Sarxanlı və Kürdmahmudlu kəndlərində 0,4 kV-luq şəbəkələr yenidən qurulur.
Beyləqan şəhər mərkəzini və şəhərə bitişik əraziləri elektrik enerjisi ilə təmin edən 110/35/10 kV-luq “Beyləqan-1” yarımstansiyası tikilərək yenidən qurulur, gücü artırılaraq müasir texnika ilə modernləşdirilir. Eyni zamanda Beyləqan rayonunun ən böyük kəndlərindən olan I Şahsevən kəndinin elektrik şəbəkəsinin yenidən qurulması prosesi davam etdirilir.
Hazırda Zərdab rayonunun Bəyimli kəndi ərazisində məskunlaşmış 120 qaçqın ailəsinin keyfiyyətli elektrik enerjisi təchizatı məqsədilə yenidənqurma işləri davam etdirilir, SMART-kart tipli sayğaclar quraşdırılır.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv