Son xəbərlər
22 MAY
21 MAY
İDMAN

Agentlik: İdman zallarında dopinq qanunsuz olaraq satılır

<b>Agentlik: İdman zallarında dopinq qanunsuz olaraq satılır </b>

Dopinq təkcə idmanda deyil, cəmiyyətdə də böyük problemə çevrilib

Trend-in məlumatına görə, bunu Azərbaycan Milli Antidopinq Agentliyinin direktoru Şəfəq Hüseynli bu gün keçirilən mətbuat konfransında deyib.
O qeyd edib ki, idman zallarında dopinq qanunsuz olaraq satılır: “Təsəvvür edin ki, xərçəng və digər xəstəliklər üçün istifadə olunan dərmanları yeniyetmələrə, gənclərə satırlar. Bu, tamamilə qanunsuzdur”.
Direktor əlavə edib ki, bu hala qarşı agentlik tərəfindən ciddi tədbirlər görülür.
Ş.Hüseynli hər kəsi bununla bağlı diqqətli olmağa, o cümlədən mətbuatı təbliğat işləri aparmağa çağırıb. O bildirib ki, dopinq insan sağlamlığı üçün ciddi ziyan törədir.
Agentlik direktoru vurğulayıb ki, bəzi federasiyalar, idmançılar və məşqçilər antidopinq qaydalarının pozulması ilə bağlı korrupsiya xarakterli təkliflər verirlər. O qeyd edib ki, agentlik şəffaf şəkildə fəaliyyət göstərir: “Biz fəaliyyətə başladığımız zaman bildirmişdik ki, agentlik şəffaf şəkildə işləyəcək. Agentlik qəti olararaq bu cür təkliflərə etiraz edir”.
Ş.Hüseynli bəyan edib ki, bu cür təkliflər irəli sürən istər federasiyalara, istər məşqçilərə, istərsı də idmançılara qarşı sanksiyalar tətbiq ediləcək.









FOTOSLAYD

ƏDƏBİYYAT
GÜNDƏM
Güney Azərbaycan
TRİBUNA
Arxiv