Milli İnsan Resursları Forumu bu il 5-ci dəfə təşkil olunacaq

2015-ci ildən etibarən təşkil edilən və ölkəmizin İnsan resursları sahəsində ilk forumu olan Milli İnsan Resursları Forumu bu il 5-ci dəfə olmaqla 16 aprel 2022-ci il tarixində Baku Marriott Hotel Boulevard-da keçiriləcəkdir. 300 nəfərdən çox şəxsin iştirakının planlaşdırıldığı bu tədbirdə İnsan resursları sahəsinin mütəxəssisləri, şirkət rəhbərləri və sahibkarlar, dövlət və özəl sektorun nümayəndələrinin iştirakı gözlənilir.

“Facemark” MMC, “Business Management School” MMC və “HR Option” MMC-nin təşkilati dəstəyi ilə keçiriləcək bu forumda iki panel və bir praktiki məşğələ (workshop) olmaqla, 9 spiker və 2 moderatorun çıxışı planlaşdırılır. Bundan əlavə, şirkətlərin öz məhsul və xidmətlərini sərgiləməsi üçün şərait yaradılacaq, tədbir iştirakçıları üçün əyləncəli aktivliklər təşkil ediləcək və müxtəlif hədiyyələr təqdim ediləcəkdir.

Forumun layihə rəhbəri Cabir Süleymanlı tədbirin konseptini belə izah edir:

“Qloballaşmanın artması, eləcə də yeni texnologiyaların yaratdığı imkanlarla əlaqəli olaraq mütəxəssislərin, xüsusilə də gənclərin işləmək üçün ölkə xaricinə üz tutması və ya fiziki olaraq məkan dəyişmədən belə xarici şirkətlər üçün çalışması ölkəmizdə kadr çatışmazlığı mövzusunu sıxlıqla gündəmə gətirir. "Beyin köçü" prosesi İnsan resursları idarəçiliyi və onun fəaliyyət sahəsi ilə də sıx əlaqəlidir. Bütün bunları nəzərə alaraq, MİRF 2022-də “Axına qarşı” şüarı ilə bu mövzuya diqqət çəkməyə çalışacaq, peşəkar spikerlərin öz təcrübələrini bölüşdüyü bu müzakirə mühitində “Beyin köçü”nün əsas səbəblərini təhlil edərək həlli yolları istiqamətində fikir mübadiləsi aparacağıq.”

16 aprel 2022-ci il tarixində Baku Marriott Hotel Boulevard-da baş tutacaq və gün boyu (09:00-18:00) davam edəcək MİRF-2022 tədbiri ilə bağlı daha ətraflı məlumat əldə etmək üçün tədbirin rəsmi internet səhifəsini (www.mirf.az), sosial media hesablarını

Instagram: https://instagram.com/mirf.aze?utm_medium=copy_link

Facebook: https://www.facebook.com/mirfaze

Linkedin: https://www.linkedin.com/company/mi%CC%87rf/

Twitter: https://twitter.com/resurslar

YouTube: https://www.youtube.com/channel/UCL_R1jxMrhjyln9x9iWg48Q izləyə, həmçinin iştirak etmək üçün qeydiyyatdan keçə bilərsiniz.