UNESCO: Son üç ayda münaqişə bölgələrində 27 jurnalist öldürülüb

UNESCO-nun son hesabatında qeyd olunub ki, son üç ayda münaqişə bölgələrində 27 jurnalist öldürülüb.

Baymedia.az təşkilatın rəsmi saytına istinadla xəbər verir ki, 2023-cü il münaqişə zonalarında fəaliyyət göstərən jurnalistlər üçün xüsusilə ölümcül il olub, qətllər son üç illə müqayisədə demək olar ki, iki dəfə artıb. Xüsusilə bu ilin son üç ayı (27 ölüm halı) 2007-ci ildən bəri münaqişə zonalarında jurnalistlər üçün ən ölümcül rüb olub.

Hesabatda diqqətə çatdırılıb ki, 2023-cü ildə 65 jurnalist öz vəzifə borcunu yerinə yetirərkən öldürülüb, bu, əvvəlki illə müqayisədə (88 jurnalist) azdır. Lakin UNESCO qeyd edir ki, bu ümumi azalma çox narahatedici bir fenomeni gizlədir: münaqişə zonalarında həlak olanların sayının kəskin artması tendensiyası müşahidə olunur. Belə ki, münaqişə zonalarında 2022-ci ildə 28, 2021-ci ildə isə 20 jurnalist qətlə yetirilib. Amma 2023-cü ildə münaqişə vəziyyətində olan ölkələrdə ən azı 38 jurnalist və media işçisi öz peşə fəaliyyətini yerinə yetirərkən həlak olub. UNESCO ötən il oktyabrın 7-dən indiyədək Fələstində 19, Livanda 3, İsraildə isə 2 jurnalistin öldürüldüyünü bildirib. Əfqanıstan, Kamerun, Suriya və Ukraynada da ən azı iki qətl hadisəsi qeydə alınıb. Latın Amerikası və Karib hövzəsi ölkələrində ötən il media nümayəndələrinin ölüm halları azalıb, bu dövlətlərdə cəmi 15 qətl hadisəsi olub.

UNESCO Birləşmiş Millətlər Təşkilatının bütün dünyada ifadə azadlığını və jurnalistlərin təhlükəsizliyini təmin etmək mandatı olan agentliyidir və BMT-nin Jurnalistlərin Təhlükəsizliyi və Cəzasızlıq Problemi üzrə Fəaliyyət Planını əlaqələndirir. Təşkilat hər bir jurnalistin öldürülməsi ilə bağlı məhkəmə prosesinin monitorinqini aparır, jurnalistlərə, məhkəmə orqanlarına və təhlükəsizlik qüvvələrinə təlimlər təşkil edir. O, həmçinin dəstəkləyici siyasət və qanunlar hazırlamaq üçün hökumətlərlə işləyir və 30-cu ildönümü qeyd edilən Jurnalistlərə Qarşı Cinayətlərə görə Cəzasızlığa Son Qoyulması Beynəlxalq Günü (2 noyabr) və Ümumdünya Mətbuat Azadlığı Günü (3 May) kimi tədbirlər vasitəsilə qlobal məlumatlılığı artırır.

UNESCO, həmçinin jurnalistlərə qarşı müxtəlif təhdid formalarını sənədləşdirir və təhlil edir. Hesabatda 2019-cu ilin yanvarından 2022-ci ilin iyununa qədər 70 ölkədə jurnalistlərə qarşı 759 hücumun, o cümlədən 5 qətlin qeydə alındığı bildirilir.

Digər xəbərlər

Əhməd İsmayılov: Ölkəmizdə medianın obyektiv və qərəzsiz məlumat hazırlaması üçün hər cür şərait yaradılıb

3 May 2024 11:53 301

UNESCO: Son üç ayda münaqişə bölgələrində 27 jurnalist öldürülüb

Digər xəbərlər

Xəbər lenti