Nigeriya hökuməti “Meta” şirkətini 220 milyon dollar məbləğində cərimə edib.
Baymedia.az xəbər verir ki, bu barədə Federal Rəqabət və İstehlakçıların Hüquqlarının Müdafiəsi Komissiyasının rəsmisi Adamu Abdullahi məlumat yayıb.
O bildirib ki, “Meta” barəsində 3 il intensiv araşdırmalar aparılıb.
İstintaqın nəticələrinə görə, şirkətin Feysbuk və Vatsap sosial platformaları ölkənin məlumatların qorunması və istehlakçı hüquqları ilə bağlı qanunlarını dəfələrlə pozub:
“Şirkət digər ölkələrdəki istifadəçilərə məlumatlarının paylaşılmasına icazə verib-verməməsi ilə bağlı seçim təklif edir. Lakin nigeriyalılara bu təklif edilməyib”.
Qeyd edək ki, Nigeriya hökuməti 2022-ci ildə “Meta”nın 154 milyon aktiv istifadəçisi olduğunu açıqlamışdı.