Son dəqiqə
- 31 Avqust 2025
Bu gün Sumqayıt Şəhər İcra Hakimiyyəti (ŞİH) tərəfindən Ukrayna xalqına humanitar yardım məqsədilə ərzaq məhsulları, məişət və tibbi sərfiyyat mallarından ibarət humanitar yardım göndərilib.
Polşanın Varşava hava limanına təyyarə ilə çatdırılacaq humanitar yük bugün saat 10:00-da Ukraynanın ölkəmizdəki səfirinin və Sumqayıt ŞİH nümayəndələrinin iştirakı ilə Heydər Əliyev adına Beynəlxalq Hava Limanından yola salınıb.
Yardıma saxlama müddəti uzun olan məhsullar (konservlər, dənli bitkilər, quru yemək payı və s.), eləcə də uşaq qidaları, dərman vasitələri və geyimlər daxildir.
***
08:50
“Mən Azərbaycana Ukraynaya humanitar yardım göndərdiyi üçün təşəkkür edirəm”
Bunu Ukraynanın Azərbaycandakı səfiri Vladislav Kanevski deyib.
Səfir bildirib ki, Rusiya-Ukrayna müharibəsi başlayandan Azərbaycan Ukraynaya 20 milyon ABŞ dolları məbləğində humanitar yardım göndərib.
“Bu formal jest deyil. Azərbaycan Ukrayna xalqının çətin günündə, vacib vaxtda ona yardım edir. Burada vacib ərzaq məhsulları ilə yanaşı tibbi məhsullar da yer alır. Mən Sumqayıt şəhərinə təşəkkür etmək istəyirəm. Bu əsl dostluq jestidir”, - o deyib.
