Diplomatik xidmət orqanları rəhbərlərinin müşavirəsi keçirilir, müzakirə olunacaq məsələlər bilinib

Diplomatik xidmət orqanları rəhbərlərinin müşavirəsi keçirilir, müzakirə olunacaq məsələlər bilinib - FOTO - YENİLƏNİB

Azərbaycan Respublikasının diplomatik xidmət orqanlarının rəhbərlərinin müşavirəsinin Bakı şəhərində keçirilən sessiyasında müzakirə olunacaq məsələlər açıqlanıb.
Bu barədə Azərbaycanın xarici işlər naziri Ceyhun Bayramov “Twitter”də bildirib.
“Azərbaycan Respublikasının diplomatik xidmət orqanlarının rəhbərlərinin müşavirəsinin Bakı şəhərində bu gün işinə başlayan sessiyası çərçivəsində Azərbaycanın xarici siyasətinin prioritet məsələləri, habelə regional və qlobal gündəliyin aktual mövzuları müzakirə olunacaq”, - nazir qeyd edib.
***
13:07
Azərbaycan Respublikasının diplomatik xidmət orqanlarının rəhbərlərinin müşavirəsinin Bakı şəhərində keçirilən sessiyası öz işinə başlayıb.
Bu barədə Xarici İşlər Nazirliyinin “Twitter“ hesabında qeyd edilib.
Tədbirdə Azərbaycan Prezidentinin köməkçisi - Prezident Administrasiyasının Xarici siyasət məsələləri üzrə şöbə müdiri Hikmət Hacıyev, xarici işlər naziri Ceyhun Bayramov, ADA Universitetinin rektoru Hafiz Paşayev də iştirak edirlər.