Son dəqiqə
- 31 Avqust 2025
“Dövlətin Vətən Müharibəsi şəhid ailələri və müharibə iştirakçılarına diqqət və qayğısı antiazərbaycan qüvvələri narahat edir”. Bu fikirləri xalqcəbhəsi.az-a açıqlamasında Sosial Tədqiqatlar Mərkəzinin (STM) baş məsləhətçisi, polioloq Tural İsmayılov bildirib: “Hazırda ƏƏSMN-də 192 qazi müxtəlif vəzifələrdə çalışır. Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən şəhid ailələri və qazilərə özünüməşğulluq proqramı çərçivəsində müvafiq dəstək tədbirlərinin göstərilməsi daim göz önündədir. Təkcə son 10 gün ərzində bir qrup qazi proqram çərçivəsində seçdikləri biznes istiqamətlər üzrə mal və materiallarla təmin olunublar. Verilmiş avadanlıqlar hesabına onlar kiçik təsərrüfat və müəssisələrini yaradıblar. Son 1 həftə ərzində isə Agentlik tərəfindən bu kateqoriyadan olan 170 şəxsə aktivlər təqdim edilib. Hesab edirəm ki, bu sahədə Azərbaycan və aidiyyati qurum böyük işlər görür”.
Ekspert qeyd edib ki, təəssüflər olsun ki, həssas sahə ilə bağlı bəzi xarici dairələrin maşaları əsassız fikirlər yaymaqla cəmiyyəti çaşdırmağa çalışırlar: “Azərbaycan xalqı kimin kim olduğunun və düşmən dairələrin məqsədlərinin yaxşı fərqindədir”.
Əli Zülfüqaroğlu
