Son dəqiqə
- 31 Avqust 2025
İlyas Hüseynov: “Moskvanın bütün baş verənlərə reaksiyası ləng görünür”
Rusiyanın xarici işlər naziri Sergey Lavrovun Azərbaycana səfəri aktual mövzu olaraq müzakirə olunur. Rusiyalı nazirin Azərbaycana səfərinin məqsədi və keçirilən görüşlərin nəticələrini politoloqlardan soruşduq. Ekspertlər “Xalq Cəbhəsi”nə Lavrovun səfərini şərh etdilər.
Politoloq İlyas Hüseynov bildirdi ki, Lavrovun Azərbaycana ilin əvvəlində səfəri bir sıra amillərdən xəbər verir: “Qeyd edək ki, “XXI əsrdə Rusiya-Azərbaycan münasibətləri: regional təhlükəsizlik kontekstində strateji tərəfdaşlıq” mövzusuna həsr olunan konfrans Rusiya-Azərbaycan Ekspert Şurasının ənənəvi iclasları formatında keçirilir. Lakin bizim Rusiyadan bəzi tələblərimiz və haqlı narazılığımız var. Rusiya Federasiyasının xarici işlər naziri Sergey Lavrovun bəyanatlarını təhlil etdikdə bəzi məqamlar hələ də açıq qalır və aydın olmur. Avropa İttifaqının mülki missiyasını ölkəsində böyük həvəslə qəbul edən rəsmi İrəvana qarşı fikilər çox yumşaq səsləndi. Müqayisə üçün qeyd edək ki, Rusiya Dövlət Dumasının sədri Vyaçeslav Volodin daha kəskin fikirlərlə çıxış etmişdi. Buna baxmayaraq, Ermənistan regionda geosiyasi savaşlar üçün yeni cəbhə açır və Moskvanın bütün baş verənlərə reaksiyası ləng görünür. Bizim üçün önəmli olan cənab Prezident İlham Əliyevin Münxen Təhlükəsizlik Konfransı çərçivəsində təkliflərinin yerinə yetirilməsidir. Laçın yolunda nəzarət buraxılış məntəqələrinin qurulması artıq zərurətə çevrilib. Ermənilərin qeyri-dinc və qeyri-humanitar məqsədlər üçün yoldan istifadə etməsi çoxsaylı faktlarla sübuta yetirilib. Düşünürəm ki, rəsmi Bakı dəhlizin təyinatı üzrə fəaliyyət göstərməməsini texniki vasitələrin köməkliyi ilə aradan qaldırılması ideyası ilə razılaşmamalıdır. Ekoloji aksiyaların sona çatdırılması da inandırıcı görünmür. Azərbaycan öz suveren ərazisində nəzarət buraxılış məntəqələrinin qurulması ilə regional təhlükəsizliyi və sabitliyi yarada bilər. Buna beynəlxalq reaksiyalar da Ermənistanın rəsmilərinin timsah göz yaşları ilə fərqli ola bilər. Lakin zaman keçdikdə hamı reallığı qəbul edəcək”.
Ermənistan Rusiyanın vasitəçiliyindən imtina edirsə...
Politoloq Məhəmməd Əsədullazadə isə diqqətə çatdırdı ki, Ermənistan Rusiyanın vasitəçiliyi ilə danışıqlardan imtina edir: “Rusiyanın xarici işlər naziri Lavrov Bakıda mətbuat konfransında buna eyham vurdu. Ermənistan Rusiyanın vasitəçiliyindən ona görə imtina edir ki, birbaşa Qərbdən verilən təlimatı yerinə yetirir. Həmçinin Moskvanın Ermənistanda geosiyasi mövqeyinin güclənməsini neytrallaşdırır. Əgər, Ermənistan Rusiyanın vasitəçiliyindən imtina edirsə, Moskva Azərbaycana dəstək verməli idi. Amma, Sergey Lavrov Laçın dəhlizində nəzarət buraxılış məntəqəsinin quraşdırılmasının əleyhinə çıxdı. Bu səfərdə aydın oldu ki, Ermənistan sülh müqaviləsinin Rusiyanın vasitəçiliyi ilə bağlanmasında maraqlı deyil.
İlk növbədə Sergey Lavrovun səfərində Qarabağda erməni icması ilə Azərbaycanın təmasları müzakirə edilib. Moskva burada Azərbaycanın şərtləri ilə razılaşmaq məcburiyyətindədir. Çünki, Rusiyanın Ermənistanda siyasi mövqeyi zəifləyir, Avropa İttifaqı öz siyasi mövqelərini gücləndirir. Bu səfərdə düşünürəm ki, silahlı erməni birləşmələrinin ləğvi məsələsi və erməni icması ilə təmaslar, həmçinin Zəngəzur dəhlizinin açılması müzakirə edilib”.
Əli
