Son dəqiqə
- 31 Avqust 2025
"Keçmiş Baş nazir Şinzo Abe vəziyyəti kritikdir, həkimlər onun xilası üçün əllərindən gələni edir".
Bunu Yaponiyanın hazırkı Baş naziri Kişida Fumio deyib.
"Mən ümid edirəm və dua edirəm ki, o sağ qalacaq. Biz motivləri və detalları bilmirik və polisin araşdırmasını gözləməliyik. Qətiyyətlə vurğulayıram ki, belə barbar hücumlara dözüm göstərmək olmaz, biz hökumət olaraq əlimizdən gələni edəcəyik", - Baş nazir vurğulayıb.
Baş nazir Kişida deyib ki, bu sui-qəsdin siyasi təsirləri barədə danışmaq tezdir və bu məsələ hökumət kabinetinin iclasında müzakirə olunacaq: "Təbii ki, hökumət istənilən ssenarini gözləyir və bu ssenarilərə hazır olacaq. Hökumət kabinetinin üzvlərinə göstəriş verilib ki, toplantı üçün Tokioya toplaşsınlar. Biz reallıqları nəzərə almalı, vacib adekvat cavablar verməliyik".
***
09:13
Yaponiyanın keçmiş Baş naziri Şinzo Abe vəfat edib.
Bu barədə Britaniyanın maliyyə naziri Nadim Zahavi "Twitter"də bildirib.
"Yaponiyadan ürək ağrıdan xəbər gəldi. Baş nazir Şinzo Abe hücumçu tərəfindən açılan atəş nəticəsində dünyasını dəyişib. Biz siyasətə xidmət etmək və dünyanı daha yaxşı bir yerə çevirmək üçün qoşuluruq, yaxşı insan bu nəcib məqsəd uğrunda həyatını itirdi. Əbədi hüzur içində yatsın", - nazir qeyd edib.
***
08:55
Yaponiyanın keçmiş Baş naziri Şinzo Abeni güllələyən şəxsin kimliyi müəyyənləşib.
NHK telekanalının məlumatına görə, o, Nara şəhərinin sakini, keçmiş dənizçi 41 yaşlı Tetsuya Yamaqamidir.
***
08.26
Şinzo Abenin vəziyyəti barədə ziddiyyətli xəbərlər yayılır.
NHK televiziyası bildirir ki, Abenin ürəyi dayannmış vəziyyətdədir həyat əlaməti yoxdur.
AFP siyasətçinin həyatla ölüm arasında olduğu haqda məlumat verib.
***
07.57
Yaponiya hökuməti Şinzo Abeyə sui-qəsdlə bağlı böhran qərargahı yaradıb.
Baş nazir Fumido Kisida Yamaqata prefekturasına səfərini yarımçıq qoyaraq paytaxt Tokioya qayıdaraq qərargaha rəhbərlik edir.
***
07.24
Yaponiyanın keçmiş Baş naziri Şinzo Abe kütlə qarşısında çıxışı zamanı silahlı hücuma məruz qalıb.
“Bloomberg”in xəbərinə görə, hadisə Nara şəhərində baş verib. Siyasətçi huşsuz vəziyyətdə xəstəxanaya çatdırılıb. Şahidlərin dediyinıə görə, 2 atəş səsi eşidilib.
Hücumda şübhəli bilinən şəxsi polis saxlayıb.
