- 21 Dekabr 2024
Ermənistan və Azərbaycan arasında sülh sazişi layihəsində erməni əsirlərin azad edilməsi məsələsi yer almayıb.
Baymedia.az xəbər verir ki, bu barədə Ermənistan parlamentinin spikeri Alen Simonyan deyib.
“Xeyr, bu məsələ 2020-ci il noyabrın 9/10-da Rusiya və Azərbaycanın məhbusların qaytarılması problemini həll etməyi öhdəsinə götürdüyü üçtərəfli bəyanatda yer alıb”, - o bildirib.
Qeyd edək ki, Azərbaycanda erməni əsir yoxdur. Azərbaycan 44 günlük müharibədən sonra humanitar jest olaraq, habelə beynəlxalq humanitar hüquq üzrə öhdəliklərinə uyğun şəkildə hərbi əsir statusu olan və ya saxlanılan şəxs hesab edilən 200 nəfərdən artıq ermənini azadlığa buraxıb.
