.png)
- 6 Aprel 2025
Səmərqənddə keçirilən Avropa İttifaqı – Mərkəzi Asiya Sammitinin yekunlarına dair bəyannamə qəbul edilib.
APA xəbər verir ki, sənəddə hər iki region arasında əməkdaşlığın istər regional, istərsə də qlobal formatda daha da dərinləşərək, strateji tərəfdaşlıq səviyyəsinə qaldırılması əksini tapıb. Tərəflər həmçinin son dövrlərdə bu istiqamətdə həyata keçirilən işlərdən məmnunluğunu ifadə ediblər.
Eyni zamanda Mərkəzi Asiya ölkələrinin liderləri ilə Avropa İttifaqı təmsilçilərinin 2023-cü ildə Lüksemburqda keçirilən görüşündə qəbul edilən “yol xəritəsi”nin, eləcə də 2025-ci il, martın 27-də Aşqabadda nazirlər səviyyəsində təşkil olunan görüşlərin əhəmiyyətini bir daha vurğulayıblar.
Sənəddə o da bildirilib ki, görüşün iştirakçıları BMT üzvü olan ölkələrlə sülh, təhlükəsizlik, beynəlxalq hüquq, beynəlxalq səviyyədə tanınan sərhədlərinə hörmət və demokratiya naminə, eləcə də BMT-nin Nizamnaməsinə əməl edilməsi, müstəqillik, suverenlik və ərazi bütövlüyünə sayğı prinsipləri əsasında əməkdaşlığa sadiqdirlər.
Eyni zamanda, bəyanat müəllifləri ATƏT-ə üzv ölkələrin bu təşkilatın prinsiplərinə, o cümlədən, beynəlxalq münasibətlərdə təhdid, güc tətbiqindən çəkinmə istiqamətindəki tələblərə, habelə, beynəlxalq humanitar hüquqa sədaqət prinsiplərini rəhbər tutmalarını, eləcə də dünyada mövcud münaqişələrin həllini vacib sayır. Üzv dövlətlərin suverenliyi və ərazi bütövlüyünü bütün regional və beynəlxalq platformalarda dəstəklədiyini bəyan edir.
.png "Ştaynmayerin bölgəyə səfəri nələri vəd edir? – EKSPERTLƏRDƏN AÇIQLAMA")
