- 21 Dekabr 2024
Azərbaycanla Körfəz Əməkdaşlıq Şurasına (KƏŞ) üzv ölkələri arasında strateji tərəfdaşlığı gücləndirmək üçün böyük potensial var.
“APA-Economics” xəbər verir ki, bunu Azərbaycan - Körfəz Əməkdaşlıq Şurasına üzv ölkələrinin 2-ci iqtisadi forumunda çıxışı zamanı Körfəz Ərəb Dövlətləri Əməkdaşlıq Şurasının (KƏŞ) Baş Katibinin İqtisadi və İnkişaf Məsələləri üzrə köməkçisi Xalid Bin Əli Əl Sunaidi deyib.
O bildirib ki, KƏŞ iqtisadi baxımdan böyük əhəmiyyətə malik təşkilatdır:” Üzv ölkələrin ÜDM-nin həcmi 2023-cü ildə 2,2 trilyon dollara bərabər olub. Bu isə KƏŞ ölkələrini İnkişaf etmiş dünya ölkələri sırasına daxil edir. KƏŞ ölkələrinin suveren fondalarının aktivlərinin həcmi 4,4 trilyon dollara bərabərdir ki, bu da dünyada 100 suveren fondun aktivlərinə bərabərdir. KƏŞ ölkələrinin ümumi ticarət dövriyyəsi isə 1,5 trilyon dollardan çoxdur. Bütün bunlar isə təşkilatın iqtisadi əhəmiyyətindən xəbər verir”.
Xalid Bin Əli Əl Sunaidi həmçinin əlavə edib ki, üzv ölkələrlə Azərbaycan arasında 2024-2028-ci illər üzrə ortaq fəaliyyət planı müxtəlif sahələrdən strateji əməkdaşlıq üçün böyük əhəmiyyət daşıyır.
